Ушбу қатновларнинг катта қисми эрталабки тиғиз пайтларга тўғри келганлиги сабабли шаҳарда катта тирбандликлар юзага келади.
Пойтахтимиздаги 93 та олий таълим муассасаларида ярим миллионга яқин талабалар таҳсил олишини ҳисобга олган ҳолда, янги ўқув йилидан Тошкент шаҳрида жойлашган олий таълим ташкилотларида биринчи сменадаги ўқув машғулотлари соат 08:00 да бошланиши белгиланди.
Бу эрталабки тиғиз пайтларда талабаларнинг ҳаракатланиши орқали тушаётган юкламани камайтиришга сабаб бўлади.
Яъни 44 000 транспорт воситаларининг қатнови ўқув машғулотлари соат 09:00 да бошланадиган вақтда соат 08:00 даги пикга тўғри келаётган бўлса, эндиликда талабалар ҳаракатланиши орқали тушаётган юклама соат 07:00 га кўчирилади.
Мазкур тартиб пойтахтда транспорт оқимини самарали ташкил этиш, эрталабки ва кечки тиғиз вақтларда йўллардаги юкламани камайтириш ҳамда шаҳардаги транспорт воситалари оқимини мақбуллаштиришга хизмат қилади.
