2026 йилнинг 21 июнь куни соат 21:00ларда “4-Автобус саройи” филиали тасарруфида бўлган, “King Long” русумли, давлат рақами 01|395 МКА, сарой рақами 335-бўлган, 38-сонли йўналишда ҳаракатланадиган автобус ҳайдовчиси З.Д. (умумий меҳнат фаолияти 18 йил, автобус саройида 12 йил) бошқарувида бўлган автобусни Яккасарой тумани Шота Руставелли кўчаси бўйлаб Жанубий вокзал томонга бошқариб бораётиб, тартибга солинган пиёдалар ўтиш жойидан светафорнинг тақиқловчи қизил чироғида югуриб ўтган пиёда A.A.ни (2000 йилда туғилган) уриб юборган.
Автобус ҳайдовчиси зудлик билан автобус ҳаракатини тўхтатиб, пиёдани тез тиббий ёрдам автомобилида 16-сонли РШТТЁКИМга олиб борган.
Ушбу содир этилган йўл-транспорт ҳодисаси ўрнатилган тартибда Тошкент шаҳар ИИББ масъул ходимлари томонидан расмийлаштирилди.
