Шу муносабат билан 2026 йил 3 август соат 10:00 дан 4 август соат 10:00 гача Мирзо Улуғбек туманидаги сув тақсимлаш иншоотида режали профилактика ишлари ўтказилади.
Ишлар доирасида мутахассислар бешта магистрал зулфинни алмаштиради: иккитаси диаметри 1200 миллиметрли ва учтаси диаметри 800 миллиметрли.
Ишларнинг асосий мақсади — шаҳар сув таъминоти тармоқларидаги босимни меъёрлаштириш, ичимлик сувининг янада бир меъёрда тақсимланишини таъминлаш, тизим ишончлилигини ошириш ҳамда ундан фойдаланишда электр энергияси сарфини камайтиришдан иборат.
Ишларни тўлиқ ва хавфсиз бажариш учун 24 соат талаб этилади:
8 соат — сув беришни тўхтатиш ва тармоқларни бўшатиш учун;
8 соат — бешта зулфинни алмаштириш учун;
8 соат — қувурларни босқичма-босқич тўлдириш, сув етказиб беришни тиклаш ва тизимнинг гидродинамик режимини меъёрлаштириш учун.
Аҳолининг эрталабки сув истеъмоли энг юқори бўлган вақтда ичимлик сувидан фойдаланиб қолиши учун ишларни соат 10:00 да бошлаш белгиланди.
Профилактика тадбирлари ўтказиладиган вақтда пойтахтнинг айрим ҳудудларида ичимлик суви таъминоти вақтинча тўхтатиб турилади.
Вақтинчалик узилиш қуйидагиларга таъсир қилади:
22 та маҳаллага;
884 та кўп хонадонли уйга;
7 006 та якка тартибдаги хонадонга;
242 та давлат ва ижтимоий соҳа муассасасига;
33 017 нафар аҳолига.
Марказлашган сув таъминотидан вақтинча узилган барча маҳаллалар, шунингдек, давлат ва ижтимоий соҳа муассасаларига ичимлик суви махсус транспортда етказиб берилади.
