Таққослаш учун, 2024 йилда Тошкент ушбу рейтингда 95-ўринда қайд этилган эди. Икки йил ичида индекс кўрсаткичи 0,3646 дан 0,8911 га етди. Натижада пойтахт «Ўрта» даражадан «Жуда юқори» даражага кўтарилди.

Маҳаллий онлайн хизматлар индекси шаҳарларнинг расмий веб-порталлари ва электрон хизматларини олтита асосий йўналиш ҳамда 101 та кўрсаткич асосида баҳолайди.

Тошкентнинг мазкур йўналишлар бўйича натижалари қуйидагича:

  • Институционал асослар — 1,0000 балл;

  • Ахборот билан таъминланганлик — 0,9032 балл;

  • Электрон ҳукумат саводхонлиги — 0,9000 балл;

  • Электрон хизматлар — 0,8950 балл;

  • Электрон ҳукумат инфратузилмаси — 0,8571 балл;

  • Фуқаролар иштироки — 0,8000 балл.

Айни пайтда пойтахтда иқтисодий ва ижтимоий соҳалар, шаҳар инфратузилмаси ҳамда аҳоли мурожаатлари билан ишлашни қамраб олган рақамли бошқарув тизимлари жорий этилмоқда.

Жумладан, «Халқ назорати» платформаси орқали фуқаролар мурожаатларини қабул қилиш, уларни масъул ташкилотларга йўналтириш ва ижросини назорат қилиш имконияти яратилган.

БМТ рейтингидаги ушбу натижа Тошкентда маҳаллий электрон хизматлар ва рақамли бошқарув тизимлари ривожланишидаги ўзгаришларни акс эттиради.