Ҳодиса жойида қасддан ўт қўйиш аломатлари аниқланган.
Бош прокуратура матбуот котиби Ҳаёт Шамсутдиновнинг маълум қилишича, ёнғин ўчирилганидан сўнг хонадонда яшаган, 2000 йилда туғилган аёлнинг жасади топилган.
Текширув давомида марҳуманинг елка қисмидан оёқ-сон соҳасигача бўлган жойларида термик жароҳатлар борлиги аниқланган.
Шунингдек, хонадоннинг ошхонаси, ётоқхонаси ва меҳмонхонасида бир-бирига боғлиқ бўлмаган учта ёнғин ўчоғи қайд этилган. Бу ҳолатда қасддан ўт қўйиш аломатлари ҳам аниқланган.
Мазкур ҳолат юзасидан 24 октябрь куни Учтепа тумани прокуратураси томонидан Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилган.
Айни пайтда дастлабки тергов ҳаракатлари олиб борилмоқда. Тергов натижаларига кўра, қонуний қарор қабул қилиниши ва қўшимча маълумот берилиши билдирилган.
