Тошкент шаҳар Фавқулодда вазиятлар бошқармаси маълумотига кўра, бугун, 5 ноябрь куни соат 10:00 да Учтепа тумани, Чилонзор-23 даҳасида жойлашган кўп қаватли уйнинг хонадонларидан бирида чақнаш содир бўлгани ҳақида хабар келиб тушган.
Шундан сўнг қутқарув бўлинмалари зудлик билан воқеа жойига етиб борган.
Ҳодиса оқибатида қўшни хонадоннинг эшик ва деразаларига қисман зарар етган. Бир нафар фуқаро тан жароҳати олиб, малакали тиббий ёрдам кўрсатиш учун шифохонага ётқизилган.
Ҳодиса оқибатида ҳалок бўлганлар йўқ.
Ҳозирда чақнашнинг келиб чиқиш сабаблари ва етказилган зарар миқдори аниқланмоқда.
