Тантанали очилиш маросимида Спорт вазирлиги, Миллий олимпия қўмитаси раҳбарияти, хорижий меҳмонлар ҳамда спорт жамоатчилиги вакиллари қатнашди.
Унда Осиё ММА ассосацияси президенти Гордон Танг, Ўзбекистон аралаш жанг санъатлари президенти Азиз Ташпулатов сўзга чиқиб, қатнашчиларга омад тилашди.
Тадбирда спорт дўстлик ва ҳамжиҳатликни мустаҳкамловчи муҳим восита экани, шунингдек, Осиёда ММА спорт турини ривожлантиришда бундай мусобақалар муҳим аҳамият касб этиши таъкидланди.
Қайд этилишича, мазкур чемпионат Осиё ўйинлари учун 4-босқич — ҳал қилувчи саралаш турнири ҳисобланади. Ғолиб ва совриндор спортчилар Саудия Арабистонида ўтадиган Осиё ўйинларида иштирок этиш ҳуқуқини қўлга киритади.
Мусобақада Ўзбекистон 50 нафар спортчидан иборат миллий терма жамоа билан қатнашмоқда. Улар турли ёш ва вазн тоифаларида юртимиз шарафини ҳимоя қилмоқда.
