Тошкент шаҳар ИИББнинг маълум қилишича, жорий йилнинг 19 май куни Мирзо Улуғбек туманидаги 275-сонли мактабда вояга етмаган, 2010 йилда туғилган ўқувчи Р.Р. ҳамда мазкур таълим муассасаси ўқитувчиси, 2002 йилда туғилган З.О. ўртасида тортишув келиб чиққан.
Аниқланишича, ўқувчи дарс жараёнида ўқитувчи томонидан берилган кўрсатмани бажармаган ва дарс машғулотларининг ўтилишига халақит берган. Оқибатда улар ўртасида жанжал келиб чиққан ва ўқитувчи ўқувчига тан жароҳати етказган.
Жабрланувчи тиббий ёрдам сўраб шифохонага мурожаат қилган.
Мазкур ҳолат юзасидан Мирзо Улуғбек тумани ИИО ФМБ ҳузуридаги Тергов бўлими томонидан ўқитувчи З.О.га нисбатан Ўзбекистон Республикаси Жиноят кодексининг 105-моддаси (“Қасддан баданга ўртача оғир шикаст етказиш”) билан жиноят иши қўзғатилган.
Айни пайтда тергов ҳаракатлари олиб борилмоқда.
