Ички ишлар вазирлиги Тезкор-қидирув департаменти ҳамда унинг ҳудудий бўлинмалари ходимлари томонидан Тошкент шаҳрида товламачилик жиноятига чек қўйилди.
Маълум қилинишича, 1999 йилда туғилган қиз ички ишлар органларига мурожаат қилиб, 1995 йилда туғилган шахс унинг турли хил беҳаё фото ва видеоларини тарқатмаслик, шунингдек, оила аъзоларига кўрсатиб шарманда қилмаслик эвазига 3 минг АҚШ доллари талаб қилаётганини билдирган.
Олиб борилган тезкор тадбир давомида гумонланувчи Тошкент шаҳрининг Миробод туманида жабрланувчидан талаб қилинган 3 минг АҚШ долларини олаётган вақтда ашёвий далиллар билан ушланди.
Ҳозирда мазкур ҳолат юзасидан қонунчиликда белгиланган тартибда тергов ҳаракатлари олиб борилмоқда.
