Тақдирлаш маросимида Шадурди Мередов, Ўзбекистон Бош вазири ўринбосари Очилбай Раматов, расмий вазирлик ва идоралар вакиллари, дипломатик корпус ҳамда кенг жамоатчилик иштирок этди.
Қайд этилишича, маросим икки қардош халқ ўртасидаги стратегик шериклик ва маданий яқинликнинг яна бир ифодасига айланди.
Шарқ марвариди – 2026 шу йилнинг 8–9 май кунлари Ўзбегим отлари от заводида бўлиб ўтган. Халқаро ҳакамлар назорати остида ўтказилган мусобақада зотдор отлар иштирокида 9 та пойга ҳамда махсус кўргазмали чиқишлар ташкил этилган.
Мусобақа якунларига кўра, Ўзбегим отлари жамоаси энг яхши натижани қайд этиб, бош совринга муносиб деб топилди.
Тадбир якунида ғолибларга Туркманистон Президенти совғалари — Chevrolet Tahoe ва BYD Song Plus автомобиллари тантанали равишда топширилди.
Таъкидланишича, мазкур тадбир ўзбек ва туркман халқлари ўртасидаги тарихий ришталар, миллий анъаналар ва маданий ҳамкорликни янада мустаҳкамлашга хизмат қилади.
