Автомобиль харидорларга Activ 80KM ва Activ 120KM комплектацияларида таклиф этилмоқда.
Chevrolet Equinox PHEV ташқи электр тармоғидан қувватланувчи Plug-in Hybrid Electric Vehicle (PHEV) тизими билан жиҳозланган. Бу кундалик сафарларнинг аксариятини фақат электр қувватида амалга ошириш имконини беради. Бензинли двигатель эса узоқ масофаларга сафар қилишда қўшимча имконият яратади.
Комплектациясига қараб автомобиль 17 ва 24 кВт·соат сиғимли LFP аккумулятор билан таъминланган. Activ 80KM версияси фақат электр қувватида 80 километргача, Activ 120KM эса 120 километргача масофани босиб ўта олади. Батарея тўлиқ қувватланган ва ёқилғи баки тўлдирилган ҳолда автомобилнинг умумий юриш захираси 1 000 километрдан ошади.
Автомобиль 1,5 литрли турбо бензин двигатели, 188 от кучига эга электромотор ва 2 поғонали DHT гибрид трансмиссияси билан жиҳозланган. Мазкур тизим ёқилғи тежамкорлигини ошириш, тезкор тезланиш ва равон ҳаракатни таъминлашга хизмат қилади.
Хавфсизлик ва ҳайдовчига ёрдам бериш тизимлари қаторида адаптив круиз-контроль, автоматик фавқулодда тормозлаш, ҳаракат бўлагида ушлаб туриш, кўринмас зоналарни мониторинг қилиш, 360 даражали камера, 6 та хавфсизлик ёстиқчаси ҳамда йўл белгиларини аниқлаш тизими мавжуд.
Автомобиль салонида 11 дюймли рақамли приборлар панели, 11 дюймли сенсорли мультимедиа тизими, Apple CarPlay, симсиз қувватлаш, панорамали люк, олд ўриндиқларни иситиш ва вентиляция қилиш функциялари тақдим этилган.
Chevrolet Equinox PHEV'нинг тавсия этилган чакана нархлари:
- Activ 80KM — 463 500 000 сўм;
- Activ 120KM — 478 500 000 сўм.
Қўшимча маълумотларни UzAuto Motors call-марказининг +998 78 141 7777 телефони, Chevrolet'нинг расмий веб-сайти ва расмий дилерлик марказларидан олиш мумкин.
