«Венгрия Фанлар Академияси тўпламида Ўзбекистон маданий мероси» номли ҳужжатли фильм тасвирга олинди

Маданият 24 окт 2023, 12:15 4 622

Ўзбекистон Республикаси Маданият вазирлиги ҳузуридаги Кинематография агентлиги буйруғига биноан «Ҳужжатли ва хроникал фильмлар киностудияси» ДУКда «Ўзбекистон маданий мероси жаҳон тўпламларида» туркуми остида “Венгрия Фанлар Академияси тўпламида Ўзбекистон маданий мероси” номли ҳужжатли фильми Ўзбекистон Республикаси Вазирлар Маҳкамаси ҳузуридаги Маданият ва санъатни ривожлантириш жамғармаси билан ҳамкорликда суратга олинди.

Фильмни суратга олиш ишлари Ўзбекистонда ва Будапешт шаҳрининг тарихий кўчаларида, Венгрия Фанлар Академиясида, Қўлёзмалар кутубхонаси ахборот марказида амалга оширилди. Айни кунларда ушбу ҳужжатли фильм монтаж жараёнларида, деб хабар беради Кинематография агентлиги матбуот хизмати.