Унинг қайд этишича, студиянинг 22,9 млн евро миқдорида кредит мажбурияти мавжуд. Кредит таъминоти сифатида киностудиянинг мол-мулки, жумладан, ер майдонлари ҳам гаровга қўйилган.
Шунингдек, «Ўзбекфильм»нинг солиқлар бўйича қарздорлиги қарийб 1 млрд сўмдан ошган. Қарз сабаб студия балансидаги 12 та автомобиль 12 кун ичида аукционга чиқарилиши хавфи мавжуд.
Жаҳонгир Аҳмедовга кўра, студия йилига камида 60 млрд сўмлик буюртма бажармаса, ўзини молиявий жиҳатдан таъминлай олмайди. Унинг таъкидлашича, «Ўзбекфильм» амалда давлат буюртмасига қарам бўлиб қолган ва унинг бозорга мос бизнес модели шакллантирилмаган.
Кинематография агентлиги директори студияни молиявий жиҳатдан барқарор, замонавий бошқарувга эга ва хусусий инвестициялар ҳамда халқаро ҳамкорликни жалб қила оладиган миллий кино компаниясига айлантириш зарурлигини таъкидлади.
