Шахмат бўйича гроссмейстер Даниэль Народицкий хотирасига бағишланган мусобақанинг рапид йўналишида Синдаров 7 партиядан 6 очко жамғарди. Тай-брейкда Ҳиндистон вакили Аравинд Читамбарамни мағлуб этиб, чемпионликни қўлга киритди.
У блиц баҳсларида ҳам муваффақиятли иштирок этиб, 9 партияда 7,5 очко тўплади ва турнир ғолиби бўлди.
Шу тариқа, Жавоҳир Синдаров Даниэль Народицкий хотирасига бағишланган турнирнинг ҳар икки йўналишида ҳам чемпионликни қўлга киритди.
Шахматчи икки йўналишдаги ғалабалари учун жами 9 минг АҚШ доллари миқдорида мукофот пулига сазовор бўлди. Бунда блиц турниридаги чемпионлик учун унга 6 минг АҚШ доллари топширилди.
Эслатиб ўтамиз, 46-Бутунжаҳон шахмат олимпиадаси бошланишига 74 кун қолмоқда.
