Туркман узунқулоқ кўршапалаги (Plecotus turkmenicus) Марказий Осиёда тарқалган жуда камёб ва кам ўрганилган тур ҳисобланади.
Илгари бу тур ҳақида 1970 йилгача бўлган маълумотлар ва музей экспонатлари орқали маълумот олиш мумкин бўлган. Кейинги 55 йил давомида эса у табиатда деярли учратилмаган.
Тадқиқот Халқаро табиатни муҳофаза қилиш иттифоқи (IUCN) томонидан амалга оширилаётган «Табиатни муҳофаза қилишда ягона саломатлик» (One Health in Nature Conservation) лойиҳаси доирасида ташкил этилган экспедиция давомида ўтказилган.
Лойиҳа Германия Атроф-муҳит вазирлигининг Халқаро иқлим ташаббуси (IKI) томонидан молиялаштирилади.
