Сергей Чигодаев шогирдлари учун ушбу учрашув гуруҳдаги биринчи ўринни ҳал қилувчи аҳамиятга эга. Беллашувда ғалаба қозонган жамоа “D” гуруҳида пешқадам бўлади. Дуранг натижа қайд этилса, Австралия биринчи ўринни сақлаб қолади.
Ҳар икки жамоа ҳам Ҳиндистон U-17 терма жамоаси устидан ғалаба қозониб, гуруҳдан чиқиш ҳамда жорий йил бўлиб ўтадиган U-17 жаҳон чемпионати йўлланмасини қўлга киритган.
Маълум қилинишича, гуруҳдаги тўртинчи жамоа — Шимолий Корея U-17 терма жамоаси мусобақада иштирок этмаётгани сабабли, жамоалар гуруҳ босқичида фақат иккита учрашув ўтказади.
Қайд этиш жоиз, 17 ёшгача футболчилар ўртасидаги жаҳон чемпионати жорий йилнинг 19 ноябридан 13 декабрига қадар Қатарда бўлиб ўтади.
