Бу Вазирлар Маҳкамасининг 2026 йил 18 августдаги қарори билан амалга оширилаётган «Ўзбекистонда газ сизиб чиқишларини бартараф этиш механизмини яратиш» лойиҳаси доирасида кўзда тутилган.
Лойиҳа Ўзбекистоннинг «Ўзбекистон — 2030» стратегиясини «Атроф-муҳитни асраш ва «яшил иқтисодиёт» йилида амалга оширишга оид давлат дастури» доирасида Халқаро тикланиш ва тараққиёт банки билан ҳамкорликда амалга оширилмоқда.
Иқтисодиёт ва молия вазирлиги Жаҳон банки билан қиймати 10,6 млн доллар бўлган грант битимини имзолаган. Шунингдек, «Ўзтрансгаз» АЖ билан грант маблағларини тақсимлаш бўйича субсидиар келишув тузилган.
Жаҳон банки кўмагида ўтказилган тадбирлар натижасида республика ҳудудидаги «Ўзтрансгаз» объектларида газ сизиб чиқиши билан боғлиқ 1 000 дан ортиқ нуқсонли нуқта аниқланган.
Қарор билан лойиҳа доирасидаги компонентлар ва молиялаштириш ҳажмларининг мақсадли параметрлари, лойиҳани мувофиқлаштирувчи идоралараро ишчи гуруҳ таркиби ҳамда газ сизиб чиқишларини бартараф этиш натижасида тежаладиган маблағларни жамлаш ва қайта инвестиция қилиш тартиби тасдиқланган.
Вазирлар Маҳкамасининг мазкур қарори 2026 йил 19 августдан кучга кирган.
