Бу ҳақда Чиқиндиларни бошқариш ва циркуляр иқтисодиётни ривожлантириш агентлиги маълум қилди.

Маълум қилинишича, ҳудудларда ўрнатилган онлайн кузатув камералари орқали белгиланмаган жойларга чиқинди ташлаш ҳолатлари аниқланмоқда.

Жумладан, ҳисобот даврида жами 2 107 та қоидабузарлик қайд этилган. Улардан 322 таси бўйича маъмурий чоралар қўлланилиб, жарималар ундирилган. Қолган 1 785 ҳолат юзасидан қонунчиликка мувофиқ чора кўриш жараёнлари давом этмоқда.

Қайд этилишича, ҳозирда республика бўйлаб қарийб 700 та онлайн кузатув камераси ўрнатилган. Ушбу тизим орқали нафақат чиқинди ташлаш, балки бошқа турдаги экологик қоидабузарликларни ҳам аниқлаш имконияти мавжуд.