«Ўзгидромет» маълумотига кўра, айрим кунларда Қорақалпоғистон Республикаси ва Хоразм вилоятида, 10–11 сентябрь кунлари эса Бухоро ва Навоий вилоятларининг баъзи жойларида қисқа муддатли ёмғир ёғиши эҳтимоли бор.
Ҳафта давомида ҳарорат кечалари 15–20 даража, кундуз кунлари 32–37 даража атрофида бўлади. Республика шимоли-ғарбида кундузги ҳарорат 30–33 даражадан 25–28 даражагача пасаяди.
7 ва 11 сентябрь кунлари республика тоғли ҳудудларининг айрим жойларида ҳам қисқа муддатли ёмғир ёғиши мумкин.
Шамол 7–12 метр/сония тезликда эсади. 8–10 сентябрь кунлари шимолий ва чўл ҳудудларида, 11 сентябрда эса республика бўйича айрим жойларда шамол тезлиги 13–18 метр/сониягача кучайиши мумкин. Айрим ҳудудларда кучли шамол чанг-тўзон билан кузатилади.
Тошкентда ҳафта давомида ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Тунда ҳарорат 17–20 даража, кундузи эса 32–34 даражадан 35–37 даражагача кўтарилиб боради.
