5 октябрь куни Ўзбекистон ҳудудининг катта қисмида қуруқ ва илиқ об-ҳаво бўлиши кутилмоқда. Фақат Фарғона водийси вилоятларида вақти-вақти билан ёмғир ёғиши мумкин. Ҳаво ҳарорати 15–20 даража бўлади.
6 октябрда кечаси ҳаво ҳарорати 5–10 даража, шимолда 2–7 даража илиқ, кундузи эса 15–20 даража бўлади. 7–9 октябрь кунлари ҳарорат аста-секин кўтарилиб, кечаси 10–15 даража, кундузи 20–25 даражага етади.
Шамол шарқдан секундига 7–12 метр тезликда эсади. 5 октябрь куни Фарғона водийсида айрим жойларда шамол тезлиги 13–18 метр/секундгача кучайиши мумкин.
Республиканинг тоғ олди ва тоғли ҳудудларида 5 октябрь куни айрим жойларда ёмғир ёғиши, сел ва сув тошқини ҳодисалари юзага келиши мумкин. Баланд тоғли ҳудудларда айрим жойларда ёмғир қорга айланиши эҳтимоли бор.
6–9 октябрь кунлари асосан ёғингарчилик кутилмайди. Фақат Фарғона вилоятининг тоғли ҳудудларида 8–9 октябрь кунлари бироз ёмғир ёғиши мумкин.
Тошкент шаҳрида ёғингарчилик кутилмайди. Шамол шарқдан секундига 3–8 метр тезликда эсади.
Ҳаво ҳарорати бугун кундузи ва эртага 17–20 даража бўлади. 7–9 октябрь кунлари ҳарорат аста-секин кўтарилиб, 22–25 даражага етади.
Кечаси ҳаво ҳарорати 6–7 октябрда 7–10 даража, 8–9 октябрда эса 12–15 даража бўлиши кутилмоқда.
