Хусусан, корхонада ISO 37001:2025 «Коррупцияга қарши курашиш менежмент тизими» халқаро стандарти жорий этилгани тўғрисидаги сертификат олинди.
Мазкур тизимни жорий этиш доирасида корхона фаолиятида коррупциявий хавф-хатарларни аниқлаш, баҳолаш ва уларни бартараф этишга алоҳида эътибор қаратилди. Шу мақсадда жорий йилнинг ўтган даврида корхона фаолиятининг 240 та функцияси таҳлил қилиниб, улардаги коррупциявий хавф-хатарлар даражаси баҳоланди.
Аниқланган коррупциявий хавф-хатарларни камайтириш ва уларнинг олдини олиш бўйича тегишли чора-тадбирлар ва дастурлар ишлаб чиқилиб, уларнинг ўз вақтида ва самарали ижро этилиши устидан доимий назорат ўрнатилди.
Шунингдек, коррупцияга қарши ички назорат механизмларини кучайтириш, ходимларда коррупцияга муросасиз муносабатни шакллантириш, манфаатлар тўқнашуви ва бошқа коррупциявий хавфларни барвақт аниқлаш ҳамда уларнинг олдини олишга қаратилган ишлар тизимли равишда давом эттирилмоқда.
Бундан ташқари, «Navoiyuran» ДКда ISO 37301:2021 «Комплаенс менежмент тизими» халқаро стандарти ҳам жорий этилган.
Ушбу стандартларнинг жорий этилиши «Navoiyuran» ДКда коррупцияга қарши курашиш соҳасида халқаро талабларга асосланган самарали бошқарув тизими шаклланаётганининг муҳим кўрсаткичи ҳисобланади.
