Тадбир доирасида мамлакатнинг бир қатор ҳудудларида янги ишлаб чиқариш қувватлари ишга туширилди.
Хусусан, Тошкент шаҳрида Кимё технологиялари маркази фаолияти бошланди. Жиззах вилоятида «Kia Sonet Prime» автомобили ва автомобиль кузови панелларини, Фарғона вилоятида электротехника маҳсулотларини, Наманган вилоятида эса полимер буюмларни ишлаб чиқариш йўлга қўйилди.
Шунингдек, Тошкент шаҳрида Миллий онкология маркази ва тиббиёт олий таълим муассасаси, роботлар ҳамда уларнинг бутловчи қисмларини ишлаб чиқарувчи корхоналар қурилишига старт берилди.
Мазкур лойиҳалар Ўзбекистон ва Корея ўртасидаги инвестициявий ҳамкорликни кенгайтириш, замонавий технологияларни жорий этиш ва юқори қўшилган қийматга эга ишлаб чиқаришларни ривожлантиришга хизмат қилади.
