Бу ҳақда Рақамли технологиялар вазирлиги ахборот хизмати маълум қилди.
Учрашувда Рақамли технологиялар вазири Шерзод Шерматов, NVIDIA компаниясининг глобал СИ инфратузилмасини ривожлантириш бўйича вице-президенти Ниcоло Cапрез, шунингдек Фиребирд компанияси президенти Алехандр Есаян ва бошқарувчи директори Размиг Ҳовагҳимиан иштирок этди.
Мулоқот давомида меҳмонларга Ўзбекистонда сунъий интеллект соҳасида амалга оширилаётган ислоҳотлар тақдим этилди. Хусусан, Қорақалпоғистон Республикасида СИ дата-марказларини жойлаштириш учун яратилаётган имтиёзлар, мамлакатда амалга оширилаётган лойиҳалар ҳамда малакали кадрлар тайёрлаш бўйича ташаббуслар ҳақида маълумот берилди.
Шунингдек, NVIDIA ва Фиребирд вакиллари томонидан йирик сунъий интеллект инфратузилмаси лойиҳаси тақдим этилди. Унга кўра, юқори қувватли — 125 мегаваттдан 250 мегаваттгача кенгайтирилиши мумкин бўлган замонавий СИ маълумотлар марказини барпо этиш таклифи муҳокама қилинди.
