Шунингдек, Кореяда таҳсил олаётган 20 мингдан ортиқ ўзбекистонлик талабаларни ўқишни тамомлаганидан сўнг ўз мутахассислиги бўйича ишга жойлаштириш режалаштирилмоқда.
Бу ҳақда Миграция агентлигининг Кореядаги ваколатхонаси раҳбари Нурматжон Комилов маълум қилди.
Қайд этилишича, мазкур йўналишда Samsung, Hyundai, LG, SK Hynix каби йирик корейс компаниялари билан музокаралар олиб борилмоқда.
Шунингдек, парфюмерия, ишлаб чиқариш ва туризм соҳалари учун мутахассислар тайёрлаш ҳамда уларни меҳмонхоналарга менежер сифатида ишга жойлаштириш бўйича келишувлар якуний босқичга етган.
Е-9 визаси бўйича ҳам ўзбекистонлик ишчилар учун қатор қулайликлар яратилмоқда. Жумладан, иш жойини алмаштириш учун Миграция агентлиги ваколхонасининг алоҳида розилигини олиш талаби бекор қилинди.
Бундан ташқари, Миграция агентлиги томонидан ўтказиладиган тестлар жорий йилдан бошлаб тажриба-синов тариқасида Билим ва малакаларни баҳолаш агентлиги томонидан ўтказилмоқда.
