Мазкур Қонун билан «Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида»ги ҳамда «Кўчмас мулкка бўлган ҳуқуқларни давлат рўйхатидан ўтказиш тўғрисида»ги қонунларга қатор ўзгартириш ва қўшимчалар киритилмоқда.
Хусусан, Хусусан, ҳуқуқларни эътироф этиш билан боғлиқ бўлган ҳужжатларни кўриб чиқиш муддатларини қисқартиришга ҳамда ҳуқуқларни эътироф этиш ишлари билан боғлиқ шикоятларни кўриб чиқиш жараёнларини такомиллаштириш назарда тутилган.
- Ўзбошимчалик билан қурилган иншоотларга мулк ҳуқуқини расмийлаштиришда бир марталик тўловни бўлиб-бўлиб тўлаш имконияти яратилади;
- Мулк ҳуқуқини эътироф этиш бўйича ҳужжатларни кўриб чиқиш ва жамоатчилик учун эълон қилиш муддати 150 кундан 50 кунга қисқартирилади;
- Иншоотга тегишли қарздорлик БҲМнинг 30 бараваригача (12 млн 360 минг сўм) бўлганда, бу мулкка нисбатан эгалик ҳуқуқи олишга монелик келтириб чиқармайди;
- Ер участкасига бўлган ижара ҳуқуқини эътироф этиш учун бир марталик тўловнинг 50 фоизи 20 кун ичида тўланган тақдирда, тўловнинг қолган қисмини тўлашдан озод этилади.
Сенаторларнинг фикрича, ушбу Қонун билан киритилаётган нормалар жисмоний ва юридик шахсларнинг кўчмас мулк объектларига бўлган ҳуқуқларини эътироф этишга тўсқинлик қилувчи омилларни бартараф этишга хизмат қилади.
Муҳокама якунида сенаторлар Қонунни маъқуллади.
