6 ta xususiy bandlik agentligining litsenziyasi vaqtincha toʻxtatildi

Ijtimoiy hayot 7 dek 2021, 15:28 2 753

Oʻzbekiston Respublikasi Bandlik va mehnat munosabatlari vazirligining 2021-yil 7-dekabrdagi tegishli qarorlari bilan vazirlik huzuridagi Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasida BHMning 8500 baravari miqdoridagi mablagʻlarni zaxira sifatida toʻldirmagani sababli quyidagi xususiy bandlik agentliklarining litsenziyalari 10 kun muddatga vaqtincha toʻxtatildi:

1. “Mirai recruitment agency xususiy bandlik agentligi” MCHJ;
2. “Reiwa xususiy bandlik agentligi” MCHJ;
3. “Turon world cooperation xususiy bandlik agentligi” MCHJ;
4. “Priority international xususiy bandlik agentligi” MCHJ;
5. “Specialist group xususiy bandlik agentligi” MCHJ;
6. “Jyonan-staff Business xususiy bandlik agentligi” MCHJ.