3-oktyabr soat 22:13 da poytaxtning Chilonzor tumanining yettinchi kvartalida joylashgan 59-uyda, birlamchi ma'lumotga ko‘ra, gaz-havo aralashmasining chaqnashi  sodir bo‘lgan. Voqyea yetti qavatli uyning 36-kvartirasida sodir bo‘lgan. Favqulodda vaziyat oqibatlarini bartaraf etish uchun Favqulodda vaziyatlar vazirligining 5 ta yong‘in-qutqaruv ekipaji darhol voqyea joyiga yetib bordi. Mavjud ma’lumotlarga ko‘ra, ayni vaqtda, uy aholisi jabrlanmagan. Qurbonlar yo‘q. Vaziyat oqibatida bir nechta kvartiralarga qisman zarar yetdi, deraza va eshiklar shikastlangan. Ayni vaqtda hamkorlikdagi xizmatlarning mutaxassislari ushbu favqulodda vaziyatning sabablarini o‘rganyapti. 17 nafar uyi shikastlangan fuqarolar vaqtinchalik mehmonxonaga joylashtirildi, deb xabar beradi Favqulodda vaziyatlar vazirligi matbuot xizmati.