Mahalla va oilani qo‘llab-quvvatlash vazirining birinchi o‘rinbosari Gulnora Ma'rufova Qashqadaryo viloyati Dehqonobod tumaniga tashrif buyurib, “Ayollar daftari”ga kiritilgan xotin-qizlar muammolarini tizimli ravishda hal etish va ularni ijtimoiy qo‘llab-quvvatlash bo‘yicha hududda amalga oshirilayotgan ishlar bilan yaqindan tanishdi.
Tashrif davomida tumandagi “Hunarmandchilik markazi”da milliy qadriyatlarni aks ettiruvchi, hududda keng tarqalgan gilamchilik, quroqchilik, kashtachilik bilan shug‘ullanayotgan bir guruh ayollar bilan suhbatlashdi.
Muloqot davomida bu boradagi mavjud muammolarni hal etish bo‘yicha xotin-qizlar va soha vakillariga zarur maslahatlar berdi.