Bu boradagi Oʼzbekiston Respublikasi Vazirlar Mahkamasining 2018 yil 7 avgustdagi «Oilaviy mehmon uylari faoliyatini tashkil etish toʼgʼrisida»gi 631-sonli qarori, Oʼzbekiston Respublikasi Bosh vazirining oʼrinbosari Аziz Аbduhakimovning 2020 yil 9 martdagi «Ohangaron tumanida Qurama va «Ovjazsoy» archazor, Ugom-Chotqol togʼ tizmalarining «Ertoshsoy» soyi boʼyi va Ohangaron daryosi boʼyidagi «Аqcha» hududlarida eko, agro, gastronomik va boshqa turizm infratuzilmalarini barpo etish hamda yangi turistik yoʼnalishlarni tashkil etish boʼyicha» 31/1-2916-sonli dasturi»da belgilangan vazifalari ijrosini taʼminlash maqsadida qator ishlar amalga oshirilmoqda. 
Jumladan, «Sanam» MFY «Ovjazsoy» hamda «Koʼksaroy» MFY «Ertoshsoy» qishloqlarida oilaviy mehmon uylarini tashkil etish, ularda koʼrsatilayotgan xizmat turlarini koʼpaytirish va sifatini yaxshilash masalalari boʼyicha targʼibot-tashviqot va tushuntirish ishlari olib borildi. Turizm salohiyatini yuksaltirishda sohada amalga oshirilayotgan islohotlar samaradorligini oshirish hamda ichki turizmni yanada rivojlantirish maqsadida joylashtirish vositalari sonini koʼpaytirish, oilaviy mehmon uylarini tashkil etish boʼyicha targʼibot-tashviqot ishlari respublika boʼylab davom ettirilmoqda.