Tishlar tushib ketishi keksalikda mustaqil harakatlana olish ko‘lamini pasaytiradi

Journal of Epidemiology and Community Health (JECH) jurnalida chop etilgan ilmiy maqola olimlar shunday xulosa bildirishgan.

Bu boradagi tadqiqotda 60 yoshdan oshgan uch mingdan ziyod kishi ishtirok etgan. Olimlar ularning harakatlanishi, mustaqil ovqatlana olishi,  o‘zini parvarishlay olishi aynan qancha tishni asrab qola olganiga bog‘liqligini tekshirishdi.  Natijalarga ko‘ra, 20-30 ta tishi saqlanib qolganlar bu borada mustaqil harakatlana olish davomiyligini uzoqroq vaqt saqlab qola olarkan.

Jumladan, ular 60 yoshga borib tishlari deyarli to‘kilib ketganlarga  nisbatan kundalik yurish-turishga qiynalmay 5 yildan ko‘proq, jismoniy harakatlar bilan bog‘liq muammolarsiz esa 3 yildan ko‘proq hayot kechira olar ekan. To‘g‘ri, 70-80 yoshda ham nisbatan erkin harakatlana olish darjasi saqlanib qolishi mumkin, ammo oldingi darajada bo‘lmaydi albatta.  

Ha, protez tishlar tabiiylari o‘rnini qisman bosishi mumkin, ammo o‘z tishlari qanchalik saqlanib qolinsa, shuncha yaxshi natija ko‘rsatadi. Kuzatish olib borgan mutaxasislar so‘zlariga ko‘ra, og‘iz bo‘shlig‘i salomatligi – bu, faqat estetika masalasigina emas, shu bilan birga keksalikda ham  mustaqil harakatlana olish darajasini belgilovchi muhim omillardan biri, deya yakunlaydi Lenta. ru.