Институт экспертлериниң атап өтиўинше, бул қәрежетлер
АҚШта азайған, бирақ Европада 14 процентке, Азия ҳәм Океанияда 8,1 процентке
артқан. Әскерий қәрежетлер бойынша ең көп үш мәмлекет - АҚШ, Қытай ҳәм Россия
жәми 1,480 триллион доллар ямаса жәҳән көлеминиң 51 процентин жумсаған.
Әскерий қәрежетлер избе-из
11-жыл өсти. Олардың жалпы ишки өнимдеги үлеси 2009-жылдан берли ең жоқары -
2,5 процентке жетти. Жыллық өсиўдиң 2,9 процентлик көрсеткиши 2024-жылдағы 9,7
проценттен сезилерли дәрежеде аз болған болса да, бул пәсейиў тийкарынан АҚШта
бул тараўдағы қәрежетлердиң азайғаны менен байланыслы, деп атап өтеди институт
экспертлери. АҚШтан тысқарыда улыўма қәрежетлер 2025-жылы 9,2 процентке өскен.
Бул көрсеткиш бойынша 2025-жылы ең ири бес мәмлекет АҚШ, Қытай, Россия,
Германия ҳәм Ҳиндстан болып, олардың үлесине жәҳән әскерий қәрежетлериниң 58
проценти туўра келген, деп жазбақта tass.ru.
"Әскерий қәрежетлер ҳәм қурал-жарақ ислеп шығарыў
бойынша SIPRI бағдарламасының илимий хызметкери
Сяо Лян "Глобал әскерий қәрежетлер 2025-жылы және де өсти, себеби
мәмлекетлер гезектеги бир жылдағы урыслар, анықсызлық ҳәм геосиясий
аўдарыспақларға қурал-жарақларды көбейтиў бойынша кең көлемли бағдарламалар
менен жуўап берди. Ҳәзирги кризислердиң көлемин, сондай-ақ, көплеген
мәмлекетлердиң әскерий қәрежетлериниң узақ мүддетли мақсетлерин есапқа алсақ,
бул өсиў 2026-жылға шекем ҳәм оннан кейин де даўам етиўи итимал."
