Бул ҳаққында ол Гаагадағы БМШ халықаралық судында шығып сөйлеген сөзинде айтты, деп хабар бермекте Associated Press.
Родригестиң атап өтиўинше, Венесуэла өз суверенитети ҳәм ғәрезсизлигин қорғаўды даўам еттиреди. Оның сөзлерине бола, мәмлекет "колония емес, еркин мәмлекет". Соның менен бирге, ол Каракас ҳәм Вашингтон байланысларды даўам еттирип, "бирге ислесиў ҳәм өз-ара түсинисиў" үстинде ислеп атырғанын атап өтти.
Бир күн алдын Доналд Трамп Fox News телеканалына берген интервьюинде Венесуэланы АҚШтың 51-штатына айландырыў "имканиятын қатаң көрип шығып атырғанын" айтқан еди. Америка президентиниң бундай пикирлери алдын Канадаға да қаратылған еди. Ақ үй бул сөзлерге рәсмий түрде ҳәзирше түсиник бермеген.
Родригестиң бул сөзлери Ессекибони Венесуэла ҳәм Гаяна арасындағы аймақлық келиспеўшилик бойынша суд процесинде айтылды, деп хабар бермекте korrespondent.net.
Апрел айының басында Трамп Венесуэла президентлигине талабан болыўы мүмкин екенин айтқан еди. Буннан алдын Трамп өзин "Венесуэла президенти ўазыйпасын атқарыўшы" деп атаған еди.
