Елімізде халықты әлеуметтік қорғауды одан әрі күшейту
және осы саланы бірыңғай жүйеге бірлестіру жөнінде жүзеге асырылған
реформалардың нәтижесінде әлеуметтік көмек пен қызмет түрлері кеңейіп,
көрсетілетін қызметтердің сапасы жақсарды.
Заңға сәйкес әлеуметтік жұмыс денсаулық сақтау, білім
беру, әлеуметтік қорғау, жұмыспен қамту, сот және құқық қорғау, сондай-ақ
жазаны орындау салаларында ұйымдастырылады.
Әлеуметтік жұмыс саласындағы арнайы өкілетті
мемлекеттік орган ретінде Ұлттық әлеуметтік қорғау агенттігі белгіленеді.
Заңда Министрлер Кабинетінің, республикалық және
жергілікті атқарушы билік органдарының әлеуметтік жұмыс саласындағы
өкілеттіктері айқындалған. Сонымен қатар азаматтардың өзін-өзі басқару
органдарының, беймемлекеттік бейкоммерциялық ұйымдардың, кәсіпкерлік субъектілерінің және
жеке тұлғалардың әлеуметтік жұмыс саласына қатысуы заң жүзінде бекітіледі.
Сондай-ақ Заңда әлеуметтік қызметтер мен әлеуметтік көмектің
түрлері, әлеуметтік көмек түрлері мен әлеуметтік қызмет пен көмек көрсететін субъектілер, әлеуметтік
қорғауға мұқтаж адам (немесе отбасы) деп табу тәртібі, әлеуметтік қызметтер және әлеуметтік көмекті
көрсету және тоқтату негіздері, бұл қызметтерді қаржыландыру көздері,
әлеуметтік қызметкердің мәртебесі, әлеуметтік қорғалуы және қызметіне қатысты
шектеулер сияқты маңызды мәселелер қамтылған.
Сенаторлардың пікірінше, заң әлеуметтік жұмыс
саласындағы қатынастарды реттеуге, халықтың әлеуметтік қолдауға мұқтаж
топтарына қызмет көрсету жүйесін қалыптастыруға және олардың әлеуметтік
қорғалуын күшейтуге ықпал етеді.
Талқылау қорытындысында сенаторлар заңды мақұлдады.
