Азаматтық гвардияның мәліметінше, пойыздар соқтығысқан оқиға орнында кемінде төрт вагон аударылып кеткен.
Қазіргі уақытта оқиға орнында өрт сөндіру-құтқару қызметтері, Азаматтық қорғаныс қызметкерлері мен медициналық бригадалардан құралған төтенше жағдайлар қызметтері жұмыс істеп жатыр. Оқиға орнына санитарлық авиация тікұшақтары мен жылжымалы реанимациялық топтар жіберілген. Кастилия-Ла-Манча аймақтық үкіметі аймақтық төтенше жағдайлар жоспарын іске қосқан.
Мадрид, Сьюдад-Реаль және Андалусияны байланыстыратын теміржол учаскесіндегі пойыздар қозғалысы тоқтатылды. Қозғалыстың қашан қалпына келтірілетіні әзірге белгісіз, деп хабарлады Kazinform.
Қайғылы оқиғаға байланысты Испания үкіметі жоспарланған іс-шараларын тоқтатты. Испанияның Халықтық партиясы мен «Кең майдан» да өз іс-шараларының тоқтатылғанын мәлімдеді. Испания премьер-министрі Педро Санчес көлік министрімен тұрақты байланыста екенін айтып, зардап шеккендер мен олардың отбасыларына көңіл айтты.
Апаттың себептері анықталып жатыр. Теміржол компаниялары әзірге оқиғаның туындау себептері туралы қосымша ақпарат берген жоқ.
