Низомга кўра, фуқаро рўйхатдан ўтган ҳудудидан қатъи назар, мамлакатнинг исталган ҳудудидаги бирламчи уй-жой бозоридан ипотека кредити асосида хонадон сотиб олиши мумкин.

Субсидия олиш учун ариза Давлат хизматлари марказлари ёки Ягона интерактив давлат хизматлари портали (my.gov.uz) орқали топширилади.

Ариза берувчиларни баҳолашда уларнинг амалда давлат тиббиёт муассасасида ишлаётгани ҳамда шу тизимда камида 15 йиллик иш стажига эга экани тасдиқланиши лозим.

Қарорга мувофиқ, субсидия бир оилага (эр ёки хотиндан бирига) фақат бир марта ажратилади.

Танлов тўлиқ онлайн тарзда ўтказилади. Белгиланган мезонларга тўлиқ жавоб берган номзодлар орасидан ҳар чоракда ажратилган квота доирасида 125 нафар ғолиб автоматик тасодифий танлаш тизими — random.org орқали аниқланади.

Субсидия ажратилгани ҳақида хабарнома олган ғолиб уй-жойни ипотека кредити асосида харид қилиш учун қурилиш (пудрат) ташкилоти билан бирламчи шартнома тузади.