Эндиликда битирувчилар my.edu.uz электрон платформаси орқали 1 июлдан 20 июлга қадар (шу куни ҳам) 570 та техникумнинг кундузги ёки дуал таълим шаклларига онлайн рўйхатдан ўтиб, ҳужжат топшириши мумкин.
Платформа орқали ариза беришда туғилганлик ҳақидаги гувоҳнома (ўқувчининг 3х4 ҳажмдаги сурати билан) ёки ID-карта маълумотлари, шунингдек, 9-синфни тамомлаганлик тўғрисидаги электрон шаҳодатнома маълумотлари киритилади.
Жорий қабул доирасида абитуриентлар 166 та касб-ҳунар йўналиши бўйича ҳужжат топшириш имкониятига эга. 570 та техникум учун умумий қабул квотаси 202 минг 657 тани ташкил этади.
Қайд этилишича, 9-синф битирувчилари учун ажратилган қабул квоталарининг барчаси давлат гранти асосида шакллантирилган.
Шунингдек, 14 та Илғор касбий маҳорат техникумида 27 та касб ва мутахассислик бўйича ҳам қабул ўтказилади. Ушбу техникумлар учун умумий қабул квотаси 1 минг 760 тани ташкил этиб, шундан 1 минг 640 таси давлат гранти асосида ажратилган.
