Энг кўп талаб қилинган хизмат эса автотранспорт бошқаруви учун электрон ишончнома расмийлаштириш бўлиб, унга 1,04 млн марта мурожаат қилинган.

Автотранспорт билан боғлиқ давлат хизматлари аҳоли орасида рақамли форматда энг кўп фойдаланилаётган йўналишлардан бири бўлиб қолмоқда.

Рақамли ҳукумат лойиҳаларини бошқариш маркази маълумотларига кўра, 2026 йил давомида автотранспортга оид давлат хизматлари бўйича my.gov.uz орқали 2,3 млн, мобил илова орқали эса 301 мингта ариза берилган.

Энг кўп талаб қилинган хизматлар қуйидагича:

  • Автотранспорт бошқаруви учун жисмоний шахсларга электрон ишончнома — 1,04 млн ариза;
  • Автотранспорт воситалари ойна тусини ўзгартиришга (қорайтиришга) рухсатнома — 898 минг ариза;
  • Йўл ҳаракати қоидаларини бузганлик учун жавобгарликни бошқа шахсга ўтказиш — 412 минг ариза;
  • Автотранспорт воситасига экологик стикер олиш — 251 минг ариза;
  • Ҳайдовчилик гувоҳномасини расмийлаштириш — 33 минг ариза.

Шундай қилиб, автотранспорт бошқаруви учун электрон ишончнома энг кўп мурожаат қилинган хизмат бўлган. Унинг ортидан автомобил ойнасини қорайтиришга рухсатнома олиш хизмати келмоқда.

Қайси ойларда мурожаатлар кўп бўлган?

Аризалар оқими йил давомида бир хил бўлмаган. Энг юқори кўрсаткичлар:

  • январь — 580 мингта;
  • апрель — 450 мингта;
  • июнь — 352 мингта.

Аризалар ҳудудлар кесимида

Автотранспортга оид давлат хизматларидан фойдаланишда ҳудудлар ўртасида ҳам сезиларли фарқ бор.

Энг кўп ариза Тошкент шаҳри ҳиссасига тўғри келган — 838 мингта.

Кейинги ўринларда:

  • Тошкент вилояти — 247 мингта;
  • Самарқанд вилояти — 251 мингта;
  • Фарғона вилояти — 218 мингта;
  • Андижон вилояти — 209 мингта;
  • Наманган вилояти — 174 мингта;
  • Қашқадарё вилояти — 128 мингта;
  • Бухоро вилояти — 119 мингта;
  • Сурхондарё вилояти — 98 мингта;
  • Жиззах вилояти — 84 мингта;
  • Хоразм вилояти — 79 мингта;
  • Навоий вилояти — 66 мингта;
  • Қорақалпоғистон Республикаси — 64 мингта;
  • Сирдарё вилояти — 60 мингта.

Келтирилган маълумотлар аҳолининг автотранспортга оид давлат хизматларини онлайн олишга бўлган талаби юқори эканини кўрсатмоқда. Айниқса, электрон ишончнома, тонировкага рухсатнома ва йўл ҳаракати қоидалари бузилганда жавобгарликни бошқа шахсга ўтказиш каби хизматларга талаб юқори.