Бу ҳақда у ўзининг телеграм каналида маълум қилди.
Қайд этилишича, йиғилишда республика, вилоят, туман ва маҳалла даражасидаги долзарб масалаларни ҳал этишда барча бўғинлар ўртасидаги ҳамжиҳатлик муҳим аҳамиятга эга экани таъкидланди. Шунингдек, қарорларни тезкор қабул қилиш, уларнинг ижро муддатлари ва масъулларини аниқ белгилаш зарурлиги қайд этилди.
Йиғилишда муҳокама қилинган асосий масалалардан бири 1980-йилларда қурилган магистрал сув тармоғини янгилаш бўлди. Қайд этилишича, мазкур иншоот кўплаб хонадонлар, маҳаллалар ва ташкилотларнинг сув таъминоти учун муҳим аҳамиятга эга.
Шу муносабат билан магистрал сув тармоғини реконструкция қилиш ишларини кечиктирмасдан бошлаш зарурлиги таъкидланди. Лойиҳанинг амалга оширилиши аҳолини барқарор ва сифатли ичимлик суви билан таъминлашга хизмат қилиши кутилмоқда.
