Tasnim агентлигининг хабар беришича, бу ҳақда Эрон Ташқи ишлар вазирлиги вакили Эсмаил Багаи эълон қилди.
Унинг таъкидлашича, англашув меморандуми Эрон Президенти Масъуд Пезешкиён ва АҚШ Президенти Дональд Трамп томонидан электрон шаклда имзоланган ва аллақачон кучга кирган, деб хабар берди report.az.
“Меморандум икки Президент томонидан имзолангандан сўнг, уни бузиш қимматга тушади. Ҳозирда музокара гуруҳларининг Женевада иштирок этиш дастури амалда қолмоқда, аммо меморандум рақамли шаклда имзоланган ва Швейцарияда имзолаш маросими ўтказилмайди”, деди Багаи.
15 июн куни АҚШ ва Эрон можарони ҳал қилиш тўғрисида эълон қилишди. Кейинчалик АҚШ Президенти Дональд Трамп англашув меморандуми 48 соат ичида имзоланишини эълон қилди. Шундан сўнг, томонлар Эрон ядро дастури ва бошқа масалалар бўйича музокараларни бошлашлари керак.
