Сешанба куни Tez Jet авиакомпаниясига тегишли, Бишкекдан Ош шаҳрига йўл олган самолёт парвоз вақтида фавқулодда ҳолатга учради. Самолётнинг орқа шассиларидан бири синиб қолгани оқибатида ҳаво кемаси ён томонга оғиб кетган. Ҳодиса сабабли Қирғизистон пойтахтидаги “Манас” халқаро аэропортидан амалга ошириладиган барча рейслар вақтинча тўхтатилди, деб хабар берди ria.ru.
“Барча йўловчилар эвакуация қилинди. Улар орасида енгил жароҳатланган ва лат еганлар бор. Ҳозирда Ош йўналиши бўйича келувчилар залида тиббиёт ходимларимиз биринчи тиббий ёрдам кўрсатмоқда. Умуман олганда, оғир жароҳат олганлар йўқ. Барча хизматларимиз иш олиб бормоқда”, деди матбуот хизмати вакили.
