Тадқиқотлар давомида иншоот хоналаридан бирининг ғарбий деворида гил сувоқ устига ишланган лола ва оқ гуллар тасвири топилди. Гуллар қизил рангдаги ингичка тўлқинсимон чизиқлар билан уйғунлаштирилган. Деворий сурат кейинчалик оқ оҳакли сувоқ қатлами билан қопланган.
Бинонинг маҳобатли ва қалин деворлари, шунингдек, ундаги безаклар мазкур иншоот милодий IV–V асрларда ибодатхона сифатида фаолият юритган бўлиши мумкинлигини кўрсатмоқда.
Мутахассисларнинг таъкидлашича, келгусида олиб бориладиган қазишма ва тадқиқотлар иншоотнинг асл вазифаси, меъморий тузилиши ҳамда тарихий аҳамиятини янада аниқлаш имконини беради.
Археологик тадқиқотлар Самарқанд археология институти ходими Санжар Абдурахимов томонидан олиб борилмоқда.
