Бу ҳақда Давлат меҳнат инспекцияси матбуот хизмати хабар қилди.
Маълум қилинишича, инспекциянинг ёзма кўрсатмасига асосан стадион бинолари ва иншоотларидан фойдаланиш дирекциясида фаолият юритаётган 49 нафар техник ходимнинг жами 867 миллион сўм миқдоридаги иш ҳақи қарздорлиги тўлиқ ундириб берилган.
Қарздорлик қоровул, сантехник, фаррош ва электрчи каби техник ходимларнинг бир неча ойлик маошларини қамраб олган.
Аввалроқ ходимлар ойлик маошларининг узоқ вақт тўланмаётгани сабабли оммавий ахборот воситаларига мурожаат қилган эди. Уларда айрим ходимлар кредит тўловлари ва кундалик эҳтиёжларини таъминлашда қийинчиликка учраётгани қайд этилган.
Стадион маъмурияти ойликларнинг кечикишини молиявий манбалардаги ўзгаришлар билан изоҳлаган. Давлат меҳнат инспекцияси аралашувидан сўнг мазкур муаммо бартараф этилди.
