Маълум қилинишича, ижтимоий тармоқлардаги тортишув ва арзимас келишмовчиликдан сўнг ёшлар ўзаро «масалани ҳал қилиш» учун учрашув белгилаган.

Самарқанд кўчасида бўлиб ўтган учрашув давомида 10–15 нафардан иборат гуруҳ жабрланувчиларга ташланиб, уларни дўппослаган ҳамда Chevrolet Nexia русумли автомашинага жиддий шикаст етказган.

Шунингдек, айрим гумонланувчилар кастетга ўхшаш совуқ қуролдан фойдалангани ҳам аниқланган.

Терговга қадар суриштирувларда ушбу ҳолатнинг асосий ташкилотчилари сифатида 2009 йилда туғилган икки нафар шахс қайд этилган.

Ҳозирга қадар жами 13 нафар гумонланувчи аниқланган бўлиб, уларга нисбатан Жиноят кодексининг 277-моддаси 3-қисми «а» банди билан жиноят иши қўзғатилган.

Айни пайтда ҳолат юзасидан тергов ҳаракатлари олиб борилмоқда.