ФВБ маълум қилишича, 26 июнь куни соат 09:50 атрофида Чирчиқ шаҳрининг "Дўстлик" маҳалласи ҳудудидан оқиб ўтувчи "Бўзсув" канали қирғоғида Камолот ГЭС ходимлари сув оқимида оқиб кетаётган фуқарони пайқаб қолган. Улар зудлик билан бу ҳақда Чирчиқ шаҳар Фавқулодда вазиятлар бошқармасига хабар берган.
Хабар асосида воқеа жойига етиб келган қутқарувчилар сувга шўнғиб, фуқарони қирғоққа олиб чиққан.
Жабрланувчига воқеа жойида биринчи тиббий ёрдам кўрсатилиб, шифокорлар ихтиёрига топширилган. Ҳозирда унинг аҳволи яхши экани билдирилди.
Дастлабки маълумотларга кўра, фуқаро эҳтиётсизлиги оқибатида каналга тушиб кетган. Сузишни билмагани сабабли эса кучли сув оқими уни оқизиб кетган.
