Энергетика вазирлиги маълум қилишича, айни пайтда Тошкент шаҳрига табиий газ етказиб берувчи қувурларнинг кириш нуқталарида газ босими оширилган.
Вазирлик газ тақсимлаш тармоқларидаги босим яқин 2–3 соат давомида босқичма-босқич кўтарилиб, истеъмолчиларнинг табиий газ таъминоти меъёрга келтирилишини билдирган.
Шу муносабат билан аҳолидан газ жиҳозларидан фойдаланишда эҳтиёткор бўлиш, уларнинг созлигини текшириш ва хавфсизлик қоидаларига қатъий риоя этиш сўралди.
«Юзага келган ноқулайликлар учун истеъмолчиларимиздан узр сўраймиз», — дейилади вазирлик баёнотида.
