Ташриф давомида Фабио Каннаваро ФарДУ футбол клуби президенти, университет ректори Баҳодиржон Шермуҳаммадов билан учрашди.
Мулоқотда университетда футболни ривожлантириш, ёш футболчилар учун яратилаётган имкониятлар ҳамда клубнинг келгусидаги истиқболлари юзасидан фикр алмашилди.
Фабио Каннаваро ФарДУ футбол клубига қизиқиши юқори эканини таъкидлаб, клуб стадионида яратилган шароитларни юқори баҳолади. Унинг қайд этишича, ФарДУ стадиони Фарғона вилоятидаги энг яхши футбол майдонларидан бири ҳисобланади.
Ташрифда ёш футболчиларни қўллаб-қувватлаш, уларнинг маҳоратини ошириш ва университет футбол клубининг профессионал спортдаги салоҳиятини янада ривожлантириш масалаларига ҳам алоҳида эътибор қаратилди.
Учрашув якунида томонлар эсдалик совғалари алмашди.
Ҳамкорлик материали
