Шунингдек, Андижон вилояти Пахтаобод туманида истиқомат қилувчи, 101 ёшни қаршилаётган фахрий Умарали ота Атабаев ҳолидан ҳам хабар олинди.
Учрашувлар самимий ва эҳтиром руҳида ўтиб, фахрийлар билан суҳбатлар ташкил этилди. Уларнинг уруш йилларидаги машаққатли ҳаёти, фронт ортидаги фидокорона меҳнати ва жанговар жасорати алоҳида эътироф этилди.
Хусусан, Одилжон ота Зокировнинг ҳаёт йўли алоҳида тилга олинди. У 1942 йил сентябрда ҳарбий хизматга чақирилиб, Украина, Харьков, Белград ҳамда бошқа йўналишлардаги жангларда артиллерия бўлинмасида разведкачи сифатида хизмат қилган.
Тадбирлар давомида ҳарбийлар томонидан фахрийлар хонадонида ободонлаштириш ишлари амалга оширилиб, уй-рўзғор юмушларида амалий ёрдам кўрсатилди.
