Маълум қилинишича, тезкор тадбир давомида туман экология бўлими ходимининг қонунга зид ҳаракатлари фош этилган. Терговга қадар текширув материалларига кўра, у тумандаги «Араб» маҳалласи ҳудудида жойлашган 4 гектар ер майдонидаги ёввойи дарахтларнинг кесилиши ва ҳудуднинг қумдан тозаланишига бир йил давомида чора кўрмаслик эвазига фуқародан 10 минг АҚШ доллари миқдорида пора талаб қилган.
Тезкор тадбирда у воситачи орқали пора маблағининг 9,5 минг АҚШ долларини олган вақтида ашёвий далиллар билан ушланган. Шунингдек, пора олишда воситачилик қилган шахс ҳам қўлга олинган.
Бундан ташқари, воситачи бошқарувидаги автомашина кўздан кечирилганда, гиёҳвандлик воситасига ўхшаш моддалар аниқланиб, далилий ашё сифатида расмийлаштирилган.
Мазкур ҳолат юзасидан Ўзбекистон Республикаси Жиноят кодексининг 168- ва 211-моддалари асосида жиноят иши қўзғатилиб, дастлабки тергов ҳаракатлари олиб борилмоқда.
