“Финляндия Республикасининг Ўзбекистондаги янги тайинланган Фавқулодда ва Мухтор элчиси Йоханна Мария Огрен хонимдан ишонч ёрлиқларини қабул қилдик, – деб ёзди Ўзбекистон ТИВ раҳбари ўзининг telegram-каналида. – Сўнгги йилларда Ўзбекистон–Финляндия муносабатлари сезиларли даражада фаоллашмоқда.
Савдо-иқтисодий ва инвестициявий ҳамкорликни кенгайтириш ҳамда ишбилармон доиралар ўртасидаги тўғридан-тўғри алоқаларни рағбатлантириш муҳимлиги қайд этилди.
Элчи хонимга масъулиятли дипломатик фаолиятида муваффақиятлар тилаб, Ўзбекистон–Финляндия муносабатларини янада мустаҳкамлашга қаратилган саъй-ҳаракатларини ҳар томонлама қўллаб-қувватлашимизни билдирдик”.
Эслатиб ўтамиз, Ўзбекистон ва Финляндия ўртасида дипломатик алоқалар 1992 йил 26 февралда ўрнатилган.
