Бу ҳақда Le Parisien газетаси Франция Соғлиқни сақлаш вазирлигига таяниб хабар берди.
Франция Соғлиқни сақлаш вазирлиги чоршанба куни мамлакатда Эбола вируси билан касалланишнинг илк ҳолати аниқланганини тасдиқлади. Нашрда ёзилишича, вирус Конго Демократик Республикасидан қайтган гуманитар ташкилот шифокорида қайд этилган.
Бемор дарҳол ихтисослаштирилган тиббий муассасага ётқизилди ва ҳозирда унинг аҳволи барқарор.
Франция Соғлиқни сақлаш вазирлиги вазиятни кузатиб бормоқда.
Эбола эпидемияси 15 май куни Конго Демократик Республикасининг шарқий қисмида бошланган. Мазкур мамлакатда тасдиқланган Эбола ҳолатлари сони 956 тага етди, 247 киши вафот этди. Қўшни Угандада ҳам иситма билан касалланиш ҳолатлари ва ўлим ҳолатлари мавжуд, деб хабар берди belta.by.
